თბილისის მერობის უპარტიო კანდიდატი, ალეკო ელისაშვილი On.ge-სთან ინტერვიუში ჰომოფობიასთან ბრძოლის საერთაშორისო დღის აღნიშნვაზე საუბრისას ამბობს, რომ ყველაფერი კანონის მიხედვით უნდა მოხდეს.

On.ge დაინტერსდა, მერად არჩევის შემთხვევაში, როგორი იქნება ელისაშვილის პოზიცია, თუ 17 მაისის აქტივისტებმა საჯაროდ, ქალაქის მთავარ გამზირზე აქცია-მსვლელობის ჩატარება გადაწყვიტეს. პასუხად ელისაშვილმა თქვა, რომ "რანდენადაც ვიცი, მოაწყვეს აქცია, ხომ? და პოლიცია იცავდა." გთავაზობთ ამონარიდს ინტერვიუდან:

მოაწყვეს, მაგრამ პოლიციისა და სპეცრაზმის კორდონს მიღმა.

ნებისმიერ აქციას, ნებისმიერ დემონტრაციას არეგულირებს კანონი. სხვათა შორის, ძალიან ნორმალურია ამ მხრივ კანონმდებლობა. რაც ამ კანონში წერია, შსს-მ და მერიამ ზუსტად ისე უნდა იმოქმედონ და უზრუნველყონ ყველაფერი. არავის არც პრივილეგია აქვს კანონის დარღვევის და არც დისკრიმინაცია არ უნდა მოხდეს.

თუკი ქალაქის მთავარ გამზირზე გადაწყვიტეს გამოსვლა, რა იქნება თქვენი, როგორც მერის პოზიცია?

ჩემი პოზიციაა, რომ რაც კანონში წერია, ის უნდა იყოს დაცული. კანონში ხომ წერია, როგორ უნდა ჩატარდეს მანიფესტაცია, ან რანაირად უნდა ჩატარდეს? ან რანაირად არ ჩატარდეს, და ის უნდა იყოს დაცული. შსს-მ და მერიამაც უნდა უზრუნველყოს, რომ კანონის ფარგლებში ხდებოდეს ეს ყველაფერი, არც უნდა დაარღვიონ კანონი და არც ვინმეს უფლებები შელახონ.

ბრძოლა მერობისთვის უპარტიოდ - წაიკითხეთ სრული ინტერვიუ ალეკო ელისაშვილთან. On.ge ეტაპობრივად შემოგთავაზებთ ინტერვიუებს თბილისის მერობის ყველა კანდიდატთან.