15 თებერვალს მიუნხენის უსაფრთხოების კონფერენციაზე საზოგადოების წინაშე სიტყვით წარსდგა გერმანიის კანცლერი ოლაფ შოლცი — მან მწვავედ გააკრიტიკა აშშ-ის ვიცე-პრეზიდენტ ჯეი დი ვენსის გამოსვლა და განაცხადა, რომ "არავინ არის ვალდებული, მიიღოს [დემოკრატიის] ევროპული მოდელი, თუმცა არავის შეუძლია თავს მოახვიოს მათ საკუთარი".

ასევე იხილეთ: ჯეი დი ვენსი: ვროპასთან დაკავშირებით საფრთხე არ არის რუსეთი, ჩინეთი, ან რომელიმე სხვა გარე აქტორი — მე შიგნიდან მომავალ საფრთხეზე ვღელავ

"ჩვენ არ მივიღებთ უცხო პირების ჩარევას ჩვენს დემოკრატიაში, ჩვენს არჩევნებში და დემოკრატიული აზრის ფორმირების პროცესში. ეს არ ხდება, განსაკუთრებით მეგობრებსა და მოკავშირეებს შორის და ჩვენ მტკიცედ უარვყოფთ მას. ჩვენ თვითონ ვწყვეტთ, როგორ განვითარდება ჩვენი დემოკრატია", — აღნიშნა ოლაფ შოლცმა.

გერმანიის კანცლერმა ისაუბრა უკრაინაზეც და განცხადა, რომ ბერლინი არასოდეს დაუჭერს მხარს უკრაინისთვის თავს იძულებით მოხვეულ მშვიდობას. შოლცის თქმით, მოლაპარაკებების ნებისმიერი შედეგით დასრულების მიუხედავად, უკრაინას უნდა იცავდეს შეიარაღებული ძალები, რომელსაც შეუძლია რუსეთის ნებისმიერი ახალი შეტევის მოგერიება.