პრემიერ-მინისტრმა გიორგი კვირიკაშვილმა კახეთში მერობის კანდიდატები წარადგინა. კანდიდატების წარდგენა 5 სექტემბერს, საღამოს გაიმართა.

დედოფლისწყაროში მერობის კანდიდატი ნიკოლოზ ჯანიაშვილი იქნება, საგარეჯოში - გიორგი ერბოწონაშვილი, გურჯაანში - არჩილ ხანდამაშვილი, ახმეტაში - იოსებ ქარუმაშვილი, ლაგოდეხში - ჯონდო მდივნიშვილი, ყვარელში - როსტომ სესიაშვილი, სიღნაღში - გიორგი გოგილაშვილი, ხოლო თელავში - შოთა ნარეკლიშვილი.

ქართულმა ოცნებამ საარჩევნო კამპანიის ფარგლებში, რეგიონული შეხვედრები და მერობის კანდიდატების წარდგენა უკვე დაიწყო. შეხვედრები საქართველოს მასშტაბით, ყველა რეგიონში გაიმართება.