რამდნიმე წუთის წინ საქართველოს საკალათბურთო ნაკრებმა ისრაელის ნაკრები 104:91 დაამარცხა. ეს ნაკრებებს შორის ევროპის ჩემპიონატზე მეოთხე სატურნირო შეხვედრის ფარგლებში გამართული მატჩი იყო.

მატჩის პირველი მეოთხედი ისრაელის ნაკრების უპირატესობით 22:21 დასრულდა, რაც მეორე მეოთხედისა (49:47) და მესამე მეოთხედის (70:67)დასრულებამდე გაგრძელდა.

ბოლო მეოთხედში საქართველოს ნაკრებმა სამქულიანი უპირატესობა აღმოფხვრა და მატჩის ბოლო მეოთხედი ფრედ 89:89 დასრულდა. ამ მიზეზით აუცილებელი გახდა დროს დამატება.

ხუთწუთიან დამატებით მეოთხედში საქართველოს ნაკრები ლიდერობდა. საქართველოს ნაკრებმა შეხვედრის დასრულებამდე 2 წუთით ადრე სხვაობა 10 ქულამდე გაზარდა. მატჩი კი 13-ქულიანი განსხვავებით დასრულდა.

საქართველოს ნაკრები კვლავ ინარჩუნებს ჯგუფიდან გასვლის შანსს. საქართველოს ნაკრები მომდევნო მატჩში იტალიის ნაკრებს დაუპირისპირდება.