კოალიცია ძლიერი საქართველოს ლიდერი მამუკა ხაზარაძე, გახარია საქართველოსთვის მიერ გავრცელებულ ბანერს ეხმაურება, რომელზეც 3 ოპოზიციური ძალის ლიდერები არიან გამოსახული და ნათქვამია, რომ "49 ნაცი პარლამენტიდან გაძევებულია", თუმცა "89 ნაცი პარლამენტში რჩება".

აღნიშნული ბანერი თავდაპირველად ოცნების რამდენიმე ლიდერმა გამოაქვეყნა წარწერით: "49 ნაცი პარლამენტიდან გაძევებულია".

"გახარიას პარტიის გავრცელებული დღევანდელი ბანერი პირდაპირი კოპირებაა "ოცნების" ცილისმწამებლური პროპაგანდის, რომელსაც დიდი ხანია აწარმოებს ჩემი და "ლელოს" წინააღმდეგ.

მაინც ვიმედოვნებდი, რომ ამ გაუგებრობას ახსნა-განმარტებას მოუძებნიდით, ან ბოდიშს მაინც შემოგვითვლიდით... ახლა ვრწმუნდები, რომ შეგნებულად დაგვესხით თავს, თუ ასე არაა, გვითხარით, რომ ვცდები და ახსენით!" — წერს მამუკა ხაზარაძე.