საზოგადოებრივ ტრანსპორტში სამგზავრო გადახდის სისტემა აღდგა, ამის შესახებ ინფორმაციას თბილისის მერია ადასტურებს.

თბილისის მერიამ მანამდე გაავრცელა განცხადება, სადაც ეწერა, რომ თბილისის საზოგადოებრივ ტრანსპორტში სამგზავრო გადახდის სისტემა უწყებამ დროებით გათიშა, შესაბამისად, ტრანსპორტი მგზავრებს უფასოდ ემსახურებოდა.

ცნობისთვის, დღეს, 24 იანვრის დილიდან, თბილისის საზოგადოებრივ ტრანსპორტში, ავტობუსებსა და მიკროავტობუსებში გადახდის აპარატებიდან პროტესტის ხმა ისმოდა, რომლებიც ძირითადად ჟღერდებოდა პროევროპულ აქციებზე. გადახდის აპარატებიდან საპროტესტო ლოზუნგები, პოლიტიკოსების განცხადებები, საქართველოს და ევროკავშირის ჰიმნების და სიმღერები ისმოდა.

როგორც თბილისის მერმა, კახა კალაძემ განაცხადა, სავარაუდოდ, აპარატებზე განხორციელდა კიბერშეტევა და აღნიშნულ საკითხთან დაკავშირებით შინაგან საქმეთა სამინისტრომ გამოძიება დაიწყო.

აღნიშნულთან დაკავშირებით გამოძიება მიმდინარეობს სსკ-ს 284-ე მუხლით, რაც კომპიუტერულ სისტემაში უნებართვო შეღწევას გულისხმობს და ისჯება ჯარიმით ან გამასწორებელი სამუშაოთი ვადით ორ წლამდე, ან თავისუფლების აღკვეთით, იმავე ვადით.