13 იანვარს თემთა პალატაში პარლამენტის წევრმა, ლიბერალ-დემოკრატმა ჯეიმს მაკკლიარიმ, ივანიშვილის სანქცირების წინადადება წარადგინა, რომელსაც უკვე 13 ხელმომწერი ჰყავს.

ტექსტში ნათქვამია, რომ თემთა პალატა საქართველოს ევროკავშირში გაწევრიანების პროცესის შეჩერებისა და მშვიდობიანი მომიტინგეების წინააღმდეგ ძალის გადამეტებული გამოყენების გამო ღრმა შეშფოთებიას გამოხატავს.

მაკკლიარის წინადადება, ასევე, გმობს დემოკრატიის შელახვისა და საქართველოში რუსეთის გავლენის ხელშეწყობაში ბიძინა ივანიშვილის როლს, ითვალისწინებს, რომ შეერთებულმა შტატებმა ბიძინა ივანიშვილს სანქციები დაუწესა და გაერთიანებული სამეფოს მთავრობას იმავე ნაბიჯის გადადგმისკენ მოუწოდებს.

19 დეკემბერს, დიდმა ბრიტანეთმა საქართველოს ძალოვანი უწყებებიდან 5 ოფიციალური პირი დაასანქცირა. ესენი არიან:

ვახტანგ გომელაური — შინაგან საქმეთა მინისტრი
ალექსანდრე დარახველიძე — შინაგან საქმეთა მინისტრის მოადგილე
სულხან თამაზაშვილი — თბილისის პოლიციის დეპარტამენტის დირექტორი
ზვიად ხარაზიშვილი ("ხარება") — გდდ-ს ხელმძღვანელი
მილერი ლაგაზაური — გდდ-ს ხელმძღვანელის მოადგილე