ათეულობით ადამიანი ემსხვერპლა 6.8 მაგნიტუდის სიმძლავრის მიწისძვრას ჩინეთის ჰიმალაების რეგიონში 7 იანვრის დილას.

ჩინური მედიის ცნობით, დაიღუპა, სულ მცირე, 53 ადამიანი, ხოლო ათეულობით სხვა დაშავდა. რყევები იგრძნობოდა მეზობელ ინდოეთსა და ნეპალშიც.

ტიბეტის ავრონომიურ რეგიონში მომხდარი მიწისძვრის ეპიცენტრი ხმელეთის ზედაპირიდან 10კმ-ის სიღრმეში მდებარეობდა.

აშშ-ის გეოლოგიური დაკვირვების მონაცემებით, რყევების სიმძლავრე 7.1 მაგნიტუდას შეადგენდა.

რამდენიმე საათის განმავლობაში იგრძნობოდა შედარებით დაბალი სიმძლავრის (ყველაზე მძლავრი 4.4 მაგნიტუდის) რყევები.

თავდაპირველ სამაშველო სამუშაოებში 1500-ზე მეტი მაშველი ჩაერთო. ეპიცენტრის მახლობლად შენობების დიდი ნაწილი დაინგრა.

მიწისძვრამ ძალიან დააზარალა წმინდა ქალაქი შიგაცე, პანჩენ ლამას სამყოფელი, რომელიც დალაი ლამას შემდეგ, იერარქიულად ტიბეტურ ბუდიზმში მეორე ფიგურაა.