შალვა პაპუაშვილი Facebook-ზე პოსტს აქვეყნებს და ოლაფ შოლცსა და ილონ მასკს შორის არსებულ დაპირისპირებას ეხმაურება.

"რამხელა ირონიაა გერმანიის და საფრანგეთის ხელისუფლებების წუწუნში ილონ მასკის განცხადებების გამო და მის მიმართ არჩევნებში ჩარევის ბრალდება.

მიხაელ როთის და ნატალი ლუაზოს ხელისუფლებები რომ რამეს იტყვიან სხვა ქვეყნის არჩევნებში ჩარევაზე.

იმედია, ნელ-ნელა ბევრი გააცნობიერებს, რომ ქართულ არჩევნებში ასეთი უხეში და უკანონო ჩარევით, იმ დემოკრატიის და სუვერენიტეტის ტოტს ჭრიან, რომელზეც თავად სხედან", — წერს პაპუაშვილი.

ინფორმაციისთვის, გერმანიის კანცლერსა და ამერიკელ მილიარდერს შორის ონლაინ-დაპირისპირება უკვე რამდენიმე თვეა გრძელდება.