სამხრეთ კორეაში ავიაკომპანია Jeju Air-ის სამგზავრო თვითმფრინავში, რომელმაც სამხრეთ კორეაში კატასტროფა განიცადა, 181იდან მხოლოდ ორი ადამიანი გადარჩა, 179 კი დაღუპულად გამოცხადდა. ინფორმაციას Reuters ავრცელებს.

ტრანსპორტის სამინისტროს ცნობით, ეკიპაჟის ორი წევრი გადარჩა და ისინი საავადმყოფოში მკურნალობენ, სამინისტრო იუწყება, რომ სამხრეთ კორეის მიწაზე ყველაზე მომაკვდინებელი ავიაკატასტროფა სამხრეთ კორეაში ბოლო სამი ათწლეულის განმავლობაში ყველაზე უარესი იყო.

ავიაკომპანია Jeju Air-ის კუთვნილმა ბოინგ 737-800-ის ტიპის თვითმფრინავმა კატასტროფა იმ დროს განიცადა, როდესაც მუანის საერთაშორისო აეროპორტში უნდა დაშვებულიყო. ოფიციალური პირების ვარაუდით, თვითმფრინავს შასი არ გაეხსნა, რაც სავარაუდოდ, ფრინველთან შეჯახების შედეგად იყო გამოწვეული. თვითმფრინავი ასაფრენ ბილიკზე პირდაპირ კორპუსით დაეშვა, რამდენიმე მეტრი გაიარა, შემდეგ კი კედელს შეეჯახა და ცეცხლი გაუჩნდა.

"ჩვენ გულწრფელ თანაგრძნობას ვუცხადებთ ბორტზე მყოფთა ოჯახებსა და ახლობლებს. ეს გამოწვევაა ქვეყნის ახალი დროებითი პრეზიდენტის წინაშე" — განაცხადა ავიაკომპანიის აღმასრულებელმა დირექტორმა კიმ ე-ბაემ, მისი თქმით, თვითმფრინავს არ ჰქონდა ავარიების ჩანაწერი და არ არსებობდა გაუმართაობის ადრეული ნიშნები.

ტრანსპორტის სამინისტროს ცნობით, მგზავრებში ტაილანდის ორი მოქალაქეა, დანარჩენები კი სამხრეთ კორეელები არიან.