სლოვაკეთის პრემიერ-მინისტრის, რობერტ ფიცოს განცხადებით, მისი მოსკოვში ვიზიტი რეაქცია უკრაინის პრეზიდენტ ვოლოდიმირ ზელენსკის სიტყვებზე რეაქცია იყო. ზელენსკიმ განაცხადა, რომ უკრაინის გავლით გაზის ნებისმიერი ტრანზიტის წინააღმდეგია.

"ჩემი დღევანდელი შეხვედრა იყო რეაქცია ვოლოდიმირ ზელენსკიზე, რომელმაც ხუთშაბათს ჩემს პირად შეკითხვას უპასუხა, რომ უკრაინის გავლით ჩვენს ტერიტორიაზე გაზის ნებისმიერი ტრანზიტის წინააღმდეგია", — წერს ფიცო სოციალურ Facebook-ზე.

სლოვაკეთის პრემიერის მტკიცებით, რუსეთის პრეზიდენტმა, ვლადიმერ პუტინმა მასთან შეხვედრაზე დაადასტურა, რომ რუსეთი მზადაა, დასავლეთისთვის გაზის მიწოდება გააგრძელოს, თუმცა, ზელენსკის პოზიციის გათვალისწინებით, ეს ფაქტობრივად შეუძლებელი იქნება.

ფიცოს თქმით, პუტინთან განიხილა უკრაინაში არსებული ვითარება და კონფლიქტის მოგვარების შესაძლებლობები, ასევე მოსკოვსა და ბრატისლავას შორის ურთიერთობები.

"ხანგრძლივი საუბრის დროს მე და ვლადიმირ პუტინმა გავცვალეთ მოსაზრებები უკრაინაში სამხედრო ვითარებაზე და ომის სწრაფად მშვიდობიანი დასრულების შესაძლებლობებზე და სლოვაკეთსა და რუსეთს შორის ურთიერთობებზე, რომლის სტანდარტიზაციასაც ვაპირებ", — წერს სლოვაკეთის პრემიერი.

ცნობისთვის, სლოვაკეთის პრემიერ-მინისტრი, რობერტ ფიცო გუშინ რუსეთის პრეზიდენტს, ვლადიმერ პუტინს შეხვდა.