წინასწარი შეფასებით, 2017 წლის იანვარ-ივლისში მთლიანი შიდა პროდუქტის რეალური ზრდა 4,4 პროცენტი იყო. ინფორმაციას საქსტატი აქვეყნებს.

უწყების ინფორმაციით, მიმდინარე წლის ივლისში, წინა წლის იმავე პერიოდთან შედარებით, მშპ 3,8 პროცენტით გაიზარდა.

2012 წლის იანვრიდან საქსტატი ყოველთვიურად ითვლის ეკონომიკის ზრდის ყოველთვიურ წინასწარ შეფასებებს. მონაცემების დათვლა უწყებრივი სტატისტიკის (დღგ-ის გადამხდელი საწარმოების ბრუნვების, ფისკალური და მონეტარული მონაცემების) საფუძველზე ხდება.