"საქართველოს ახალგაზრდა იურისტთა ასოციაციის" თავმჯდომარე ნონა ქურდოვანიძე სოციალურ ქსელში წერს, რომ რუსული კანონის "გაკეთილშობილებას" ვერანაირი სამუშაო პროცესი ვერ შეძლებს.

"ევროპის საბჭოს მთავარ საკონსულტაციო ორგანოს, ვენეციის კომისიას, "რუსულ კანონზე" ცალსახად აქვს ნათქვამი, რომ ეს კანონი შეცვლას არ ექვემდებარება, გასაუქმებელია. ვერანაირი სამუშაო პროცესი ვერ შეძლებს ამ კანონის გაკეთილშობილებას, ის უნდა გაუქმდეს. თუმცა, დღეს არსებულ კრიზისს ამ კანონის გაუქმება ვერ უშველის. წამების და დაუსჯელობის სისტემურ პრაქტიკას ევროსაბჭოს გენერალური მდივნის მიერ გახმოვანებული ფორმატი ვერ გამოასწორებს."— წერს საიას ხელმძღვანელი.