საქართველოს პარლამენტის დღევანდელ სხდომაზე ქართული ოცნების რვა წევრს, დეპუტატის უფლებამოსილება შეუწყვიტა.

ხუთმა მათგანმა პარლამენტიდან მთავრობაში გადაინაცვლა, ერთი პრეზიდენტობის კანდიდატია, ორმა მათგანმა კი უფლებამოსილების ვადამდე შეწყვეტის თხოვნით პარლამენტს პირადი განცხადებით მიმართა.

საკანონმდებლოდან აღმასრულებელ ხელისუფლებაში გადაინაცვლეს ირაკლი კობახიძემ, მაკა ბოჭორიშვილმა, ანრი ოხანაშვილმა, დავით სონღულაშვილმა და მარიამ ქვრივიშვილმა. პრეზიდენტობის კანდიდატია მიხეილ ყაველაშვილი.

პირადი განცხადების საფუძველზე უფლებამოსილება ვადამდე შეუწყდათ ბიძინა ივანიშვილსა და ირაკლი ღარიბაშვილს.

მანდატების შეწყვეტის დადგენილების წინააღმდეგი არავინ ყოფილა.