პოლიციამ პედიატრი და სამოქალაქო აქტივისტი, მოძრაობა ჯიუტის წევრი, კოტე ჩახუნაშვილი დააკავა. მის წინააღმდეგ საქმე ადმინისტრაციული კოდექსის 173-ე მუხლითაა აღძრული, რაც პოლიციის კანონიერი მოთხოვნის დაუმორჩილებლობას გულისხმობს.

იქამდე, ნუცუბიძის 69 ნომერში, მეგობრებმა კოტე ჩახუნაშვილის ცარიელი ავტომობილი იპოვეს. ახლობლების ინფორმაციით, მან დაახლოებით 20:00 საათზე მარტომ დატოვა საცხოვრებელი სახლი და მას შემდეგ კონტაქტზე არ გამოსულა.

ცნობისთვის, წინა დღით ცნობილი გახდა, რომ პოლიციის თანამშრომლები კოტე ჩახუნაშვილთან მივიდნენ და დაკითხვაზე დაიბარეს სისხლის სამართლის საქმეზე, რომელიც არ დაუკონკრეტებიათ, ჩახუნაშვილმა კი დაკითხვაზე მისვლაზე უარი თქვა.