რუსთაველზე მიმდინარე მასშტაბურმა პროევროპულმა აქციამ გმირთა მოედანზე მას შემდეგ გადაინაცვლა, რაც საპოლიციო ძალებმა წყლის ჭავლისა და ცრემლსადენი გაზის გამოყენებით აქციის დარბევა დაიწყო.

აქციის მონაწილეებმა ამჯერად გმირთა მოედნისკენ გადაინაცვლეს, ეს საპოლიციო ძალებისთვის მოულოდნელი გადაწყვეტილება იყო, რადგან სპეცრაზმი ჭავჭავაძეზე პრევენციულად განლაგდა.

წინა დღეებში, მომიტინგეები ძირითადად ჭავჭავაძეზე, თსუ-ს პირველ კორპუსთან გადადიოდნენ და დილამდე იქ ჩერდებოდნენ ხოლმე.

მეორე დღეა აქციის დაშლა საღამოს 21:00-23:00 საათის მონაკვეთში იწყება, რაც აქციის მონაწილეების თქმით, სპეცრაზმის დაღლილობაზე მიუთითებს.

ამ დროისთვის [4:40] პროევროპული აქცია გმირთა მოედანზე მიმდინარეობს.

ჩვენთვის უცნობია დარჩებიან თუ არა დილამდე პროტესტი მონაწილეები გმირთა მოედანზე.