რუსთაველის გამზირზე მიმდინარე აქციაზე დაშავდა ტვ პირველის ოპერატორი, გიორგი შეწირული, იგი სასწრაფო დახმარების ბრიგადამ საავადმყოფოში გადაიყვანა. მას დაზიანება ფეხის არეში აქვს მიყენებული.

დღევანდელ აქციაზე დაშავდა საზოგადოებრივი მაუწყებლის ფოტოგრაფი — ირაკლი გედენიძეც, რომელსაც, სავარაუდოდ, პიროტექნიკის ნაწილები მოხვდა და ფეხი დაუზიანა.

გედენიძეს დახმარება სასწრაფო დახმარების მანქანაში აღმოუჩინეს, რის შემდეგაც, მან მუშაობის გაგრძელება მალევე შეძლო.