სახელმწიფო უსაფრთხოების სამსახურში ამბობენ, რომ ტელეკომპანია რუსთავი 2-ის დირექტორი, ნიკა გვარამია კონტრდაზვერვის დეპარტამენტში სისხლის სამართლის საქმეზე ჩატარებული მოქმედებების ამსახველი მასალების გასაცნობად დაიბარეს. ამის შესახებ On.ge-ს სუს-ში განუცხადეს.

უწყებაში განმარტავენ, რომ საქმე საიდუმლოა და გვარამიას დეტალებს ადგილზე გააცნობენ.

გვარამია ფეისბუკში წერს, რომ ის 2015 წელს სახელმწიფო გადატრიალების საქმეში მასსა და საქართველოს ყოფილი პრეზიდენტის, მიხეილ სააკაშვილის სატელეფონო ჩანაწერის გამო დაიბარეს.

"ყოველი არჩევნების წინ ჩემი აქტუალიზაცია რომ ხდება, ტყუილია. ეგრევე ყველაზე მოთხოვნადი ვხდები, ყველა კანდიდატს რომ შეშურდება", - წერს გვარამია.