თავდაცვის მინისტრობის კანდიდატმა ირაკლი ჩიქოვანმა სამხედრო სწავლება "ღირსეული პარტნიორის" განუსაზღვრელი ვადით გადადებასთან დაკავშირებით კომენტარი გააკეთა.

ირაკლი ჩიქოვანმა იმედი გამოთქვა, რომ ეს გადაწყვეტილება გადაიხედება "გადატვირთვის პოლიტიკიდან გამომდინარე".

"დასანანი იყო და გაუგებარი აშშ-ს მხრიდან მიღებული გადაწყვეტილება "ღირსეული პარტნიორის" გადადებასთან დაკავშირებით. გეტყვით იმასაც, რომ ამ პერიოდის განმავლობაში ჩვენ გვქონდა არაერთი წვრთნები ჩვენს საერთაშორისო პარტნიორებთან ერთად, რომლებსაც ვატარებდით სხვადასხვა მიმართულებით და ვიმედოვნებთ, რომ ასეთი გადაწყვეტილებები საბოლოო ჯამში იქნება გადახედილი გადატვირთვის პოლიტიკიდან გამომდინარე", — განაცხადა ირაკლი ჩიქოვანმა.

ამერიკის შეერთებულმა შტატებმა საქართველოსთან ერთობლივი სამხედრო სწავლება "ღირსეული პარტნიორი", რომელსაც საქართველო 2016 წლიდან მასპინძლობდა, საქართველოსთან პოლიტიკის გადახედვის ფარგლებში, განუსაზღვრელი დროით გადადო.