ჯოზეფ ბორელის განცხადებით, ევროკავშირი საქართველოში "ტექნიკურ მისიას" გზავნის, რომელიც საქართველოში არსებულ სიტუაციას შეისწავლის და არჩევნების შედეგებს გამოიძიებს.

"ტექნიკური მისიის" საქართველოში ჩამოსვლას ქართული ოცნების ლიდერები ეხმაურებიან. თბილისის მერის, კახა კალაძის განცხადებით, ხელისუფლება საერთაშორისო მისიასთან თანამშრომლობისთვის მზადაა.

"რა თქმა უნდა, ჩვენ გვაქვს მზადყოფნა. არანაირი პრობლემა არ არსებობს. არჩევნების მეორე დღესვე, პრემიერ-მინისტრი გამოვიდა და პირდაპირ თქვა, თუკი რაიმე კითხვები არსებობს, აგერ არის საარჩევნო ურნები და დათვალეთო", — აღნიშნა კალაძემ 19 ნოემბერს, ჟურნალისტთან საუბრისას.

კახა კალაძის განცხადების პარალელურად გორგასლის ოფისში, ბრიფინგზე ქართული ოცნების აღმასრულებელმა მდივანმა, მამუკა მდინარაძეს ევროკავშირის მისიასთან თანამშრომლობასთან დაკავშირებით მზადყოფნა არ გამოუთქვამს

"ასეთი ფორმატი მსოფლიოში არ არსებობს. რაღაცა ფორმატი მოიგონა ვიღაცამ. რა "ტექნიკური მისია"? სადმე გაგიგიათ მსგავსი რაღაცა? რაღაც რომ უნდა თქმულიყო, ყველაზე რბილი ფორმა მოიფიქრეს რაღაც ტექნიკური მისია.

ვისთან ვთანამშრომლობთ? რას ვთანამშრომლობთ? ჯერ გაგვარკვიონ, ტექნიკური მისია რა არის. ვინ ჩამოდის? კვაზი და უპრეცედენტო ორგანოები საგამოძიებო ფუნქციას ვერ შეიძენს", — ამბობს მამუკა მდინარაძე.

ამასთანავე, ქართული ოცნების აღმასრულებელმა მდივანმა ქვეყნის "სუვერენიტეტის გადაშლა" უწოდა საერთაშორისო გამოძიებას:

"რა საერთაშორისო გამოძიება? ქვეყნის სუვერენიტეტი გადაშალეს, თითქოს დაფაზე ცარცით დაწერილი იყოს?".

ასევე იხილეთ: