ევროკავშირის საბჭომ ირანს რუსეთისთვის გაწეული სამხედრო მხარდაჭერის გამო სანქციები გაუფართოვა. ამის შესახებ ევროკავშირის საბჭოს განცხადებაშია ნათქვამი.

X-ზე გავრცელებულ ინფორმაციაში ვკითხულობთ, რომ ევროკავშირი კატეგორიულად გმობს ირანის მიერ რუსეთისთვის გაწეულ სამხედრო მხარდაჭერას, მათ შორის უპილოტო საფრენი აპარატების მიწოდებას.

ახალი გადაწყვეტილებით გაფართოვდება თვითმფრინავებთან და რაკეტებთან დაკავშირებული სანქციები, ასევე, დაწესდება შემდგომი სანქციები ირანულ სუბიექტებსა და ფიზიკურ პირებზე.