შემდეგში, როდესაც ტყეში სასეირნოდ წახვალთ, ზემოთ ახედვა არ დაგავიწყდეთ. შესაძლოა, სასიამოვნოდ გაოცდეთ იმით, რასაც იქ აღმოაჩენთ.

არიან ხეები, რომლებიც საკუთარ და სხვების "პიროვნულ" სივრცეს დიდ პატივს სცემენ და ზედმეტი შეხებით არ აწუხებენ. ისინი ერთმანეთში სინქრონულად იზრდებიან და ძალიან ლამაზ სანახაობას ქმნიან.

ხეების ეს ქმედება 1920 წელს უცნაურად მოეჩვენათ და მისი შესწავლა დაიწყეს. მოვლენას crown shyness უწოდეს.

ერთი თეორიით, გონიერი ხეები ამ გზით საშიში მწერების გამრავლებას უშლიდნენ ხელს, მეორეებს კი სჯერათ, რომ ისინი ქარის დროს სხვა ხეებს ტოტების დამტვრევისგან ასე იცავდნენ. კიდევ ერთი თეორიით, ხეები ფოტოსინთეზის პროცესის გასაუმჯობესებლად ამ გზით სინათლეს უშვებენ.

ჯერჯერობით უცნობია, ამ თეორიიდან რომელი შეესაბამება სიმართლეს, თუმცა ეს მოვლენა კიდევ ერთხელ შეგვახსენებს როგორ საოცარ სამყაროში ვცხოვრობთ.