თბილისში ისანი-სამგორის რაიონში, მერვე ლეგიონის დასახლებაში, ალექსანდრე წულუკიძის ჩიხში, ავტოფარეხში აფეთქება მოხდა. აფეთქების შედეგად დაზიანდა წინ მდებარე კორპუსის ფანჯრები და ეზოში მდგომი ავტომანქანები.

არსებული ინფორმაციით, ავტოფარეხში გაზის ბალონი აფეთქდა.

როგორც NEWS.On.ge-ის საგანგებო სიტუაციების მართვის სამსახურში განუცხადეს, შემთხვევის შედეგად ერთი პირი დაშავდა. დაშავებული მამაკაცი სასწრაფო დახმარების ჯგუფმა კლინიკაში გადაიყვანა. მისი ჯანმრთელობის მდგომარეობა სტაბილურია.