კონსტიტუციონალისტი ვახუშტი მენაბდე პარლამენტის უფლებამოსილების ცნობის სამართლებრივი მექანიზმებით შეფერხების შესაძლებლობაზე საუბრობს და ორ ნაბიჯს ასახელებს. მისი განმარტებით, საუბარია შეფერხებაზე და არა კოლაფსზე.

ვახუშტი მენაბდე აცხადებს, რომ ამ პროცესში საზოგადოებას საკონსტიტუციო სასამართლოს იმედი არ უნდა ჰქონდეს, რადგან ის, მისი აზრით, არჩევნების არაკონსტიტუციურად ცნობას არ დაუშვებს, თუმცა მენაბდე პროცედურული ბრძოლის ყველა მეთოდის გამოყენების შესაძლებლობაზე საუბრობს.

"ნაბიჯი 1️⃣
ცესკოს მიერ არჩევნების შედეგების გამოქვეყნებიდან მაქსიმუმ 3 დღეში 30 დეპუტატს, პრეზიდენტს და სახალხო დამცველს შეუძლია მიმართოს საკონსტიტუციო სასამართლოს და მოითხოვოს არჩევნების კონსტიტუციურობის შემოწმება.
რა უნდა გასაჩივრდეს სასამართლოში? ყველანი თვალს ადევნებდით საიას სარჩელს არჩევნების ფარულობასთან დაკავშირებით, რომელიც არ დააკმაყოფილეს სააპელაციო სასამართლოებმა. მოსარჩელეს შეუძლია თქვას, რომ საარჩევნო კანონმდებლობის ის ნორმები და მათი განმარტება, რომელზე დაყრდნობითაც საერთო სასამართლოებმა უარყვეს საიას სარჩელი, ეწინააღმდეგება კონსტიტუციით დაცულ საარჩევნო უფლებას და მისი 5 კომპონენტიდან სულ ცოტა 2-ს (ფარულობა და ნების თავისუფალი გამოვლენა). მნიშვნელოვანია, რომ ის ნორმები, რასაც დაეყრდნო სასამართლო, ამავდროულად არის არჩევნების მომწესრიგებელი ნორმები, უფრო კონკრეტულად ელექტრონული ხმის მიცემისა და მისი ფარულობის უზრუნველმყოფი ნორმები.
შედეგად მოსარჩელემ უნდა მოითხოვოს: