VELI.store-ისთვის ქართველი მეწარმეების მხარდაჭერა შექმნის დღიდან მნიშვნელოვანი მიმართულებაა, რაც თავის მხრივ, ქართველი მცირე მეწარმეებისთვის პროდუქციის რეალიზებისთვის გამარტივებული პლატფორმისა და მათზე მორგებული პირობების შეთავაზებას მოიაზრებს.

ველის ციფრულ თაროებზე წლების განმავლობაში 150-მდე ქართული ბრენდი განთავსდა, რა რაოდენობაც “მხარდაჭერის ველი”-ს ფარგლებში წლის ბოლომდე კიდევ უფრო გაიზრდება.

“ბოლო ერთი კვირის განმავლობაში ველიმ პლატფორმა სრულად ქართული მეწარმეების პოპულარიზაციას დაუთმო. ვებგვერდსა და აპლიკაციაში ცაკლეული კატეგორია - “მხარდაჭერის ველი”, შეიქმნა რომელიც მომხმარებელს ქართული მცირე მეწარმეების აღმოჩენას უადვილებს, თუმცა ჩავთვალეთ, რომ მცირე მეწარმეების მხარდასაჭერად კიდევ უფრო ქმედითი ნაბიჯები უნდა გადაგვედა და რესურსების სწრაფი მობილიზებით „მეწარმეები ევროპული ახალი წლისთვის“ ფარგლებში, არაერთი მეწარმე კომერციული ინტერესის გათვალისწინების გარეშე დავამატეთ, რომლებიც ეტაპობრივად გამოჩნდება ახალ კატეგორიაში.” - თათია კარიაული, ველის ბრენდის ხელმძღვანელი.

ფოტო: Veli.Store

ქართველი მცირე მეწარმეებისთვის ველი წარმოადგენს პლატფორმას, რომელიც მათ პირველ რიგში პროდუქტების რეალიზების სივრცისა და ლოჯისტიკური ნაწილის სრულად უზრუნველყოფას სთავაზობს. თუმცა, გარდა ამისა მათთვის ერთგვარი ციფრული მედიუმის ფუნქციასაც ითავსებს, რომელიც მათი მხრიდან ხარჯის გაწევის გარეშე, ველის ციფრული არხებით, პროდუქტების პოპულარიზაციასა და თვეში მილიონამდე აქტიური მომხმარებლისთვის გაცნობას მოიაზრებს.