"ერთიანობის მარშით დავიძრათ საქართველოს პარლამენტისკენ", — ასეთი ლოზუნგით გამართავენ მარშს 25 დეკემბერს თბილისის ქუჩებში სხვადასხვა ეთნიკური ჯგუფის წარმომადგენლები.

გავრცელებული ინფორმაციით, აღნიშნული მარში 19:00 საათზე რესპუბლიკის მოედნიდან დაიწყება და გეზს პარლამენტის შენობისკენ აიღებს.

დემონსტრანტების მთავარი მოთხოვნაა ყველა პოლიტიკური პატიმრის განთავისუფლება, ახალი, სამართლიანი არჩევნების დანიშვნა და საქართველოს ევროკავშირში გაწევრიანების პროცესის აღდგენა.

"ჩვენ, საქართველოს მოქალაქეები, აზერბაიჯანელი, სომეხი, ქურთი, ქისტი, ებრაელი, ბერძენი, უდი, ქართველი, აფხაზი, ოსი ვიკრიბებით 25 დეკემბერს, 19:00 საათზე რესპუბლიკის მოედანზე რათა ერთიანობის მარშით დავიძრათ საქართველოს პარლამენტისკენ!

ჩვენი ერთიანობით ვუერთდებით საერთო-სახალხო მოთხოვნებს განთავისუფლდეს ყველა პოლიტიკური პატიმარი, დაინიშნოს ახალი, სამართლიანი არჩევნები და აღდგეს საქართველოს გაწევრიანების პროცესი ევროკავშირში!

შემოგვიერთდით! ძალა ევროპაშია, ძალა ერთობაშია!
ერთიანობის მარშზე დაიშვება მხოლოდ საქართველოს და ევროკავშირის დროშები