რუსეთის საგარეო საქმეთა მინისტრის, სერგეი ლავროვის თქმით, რუსეთი შეისწავლის აშშ-ის განცხადებას, რუსეთის მოქალაქეებისთვის ვიზების გაცემის შეწყვეტის შესახებ მანამ, სანამ ახალ რეგულაციას უპასუხებს, წერს TACC.

ლავროვმა აშშ-ის გადაწყვეტილებას, რუსეთის მოქალაქეების უკმაყოფილების გამოწვევის მცდელობა უწოდა:

"მხოლოდ ერთის თქმა შემიძლია: ამერიკელ მოქალაქეებზე ჯავრს არ ვიყრით. ანუ თუ ვინმეს იმედი ჰქონდა, რომ, ამ შემთხვევაში, ცუდი მაგალითი გადამდები იქნებოდა, კარგად ვერ გათვალა".

ამასთანავე, საგარეო საქმეთა მინისტრსს ეეჭვება, რომ აღნიშნული გადაწყვეტილება რუსეთში აშში-ის დიმპლომატების რაოდენობის შემცირებას უკავშირდება.

დღეს, აშშ-ის დიპლომატიურმა მისიამ რუსეთში განაცხადა, რომ 2017 წლის 23 აგვისტოდან რუსეთის მასშტაბით არასაიმიგრაციო ვიზების გაცემას წყვეტს. განცხადების მიხედვით, ეს გადაწყვეტილება რუსეთის მიერ აშშ-ის დიპლომატების რიცხვის შემცირების გამოა მიღებული.

2017 წლის ივლისის ბოლოს რუსეთის ხელისუფლებამ აშშ-ის მთავრობისგან რუსეთში დიპლომატების რაოდენობის შემცირება მოითხოვა. გარდა ამისა, რუსეთის საგარეო საქმეთა სამინისტრომ ამერიკის საელჩოს მათ განკარგულებაში არსებული აგარაკითა და განთავსებული საწყობებით სარგებლობა აუკრძალა