ვიქტორია სიკრეტის შოუ წელს შანხაიში გაიმართება. კასტინგში გამარჯვებულების ვინაობა ცოტა ხნის წინ გახდა ცნობილი.

როგორც ცნობილია, ქართველი მოდელი თაკო ნაცვლიშვილი ნიუ-იორკში გამართული კასტინგის ფინალურ ეტაპზე გადავიდა, თუმცა საბოლოო სიაში ვეღარ მოხვდა.

ნოემბერში, წლის დასასრულს, ვიქტორია სიკრეტის შოუზე მთელი მსოფლიოს ტოპ-მოდელები მოიყრიან თავს.

ვიქტორიას ანგელოზების შოუ ჩვეულებრივი პოდიუმისგან განსხვავდება და ყველა იმ კომპონენტს მოიცავს, რაც სიტყვა შოუში იგულისხმება. ლამაზი და სექსუალური ქალების მსვლელობას რამდენიმე ათას დოლარად შეფასებულ თეთრეულში შესაბამისი ფონიც სჭირდება. ცნობილი მომღერლები თავიანთი ჰიტების ცოცხლად შესრულებით დაუვიწყარ განწყობას ქმნიან სცენაზე.