ტელეგრამ-არხი RESPUBLICA / РЕСПУБЛИКА ავრცელებს ინფორმაციას, რომ ოკუპირებული აფხაზეთის პრეზიდენტის ადმინისტრაციის შენობასა და მაჰაჯირების ძეგლზე წარწერები გამოჩნდა, მათ შორისაა წითელი საღებავით დაწერილი "ხალხის მოღალატეები".

საპროტესტო წარწერები ოკუპირებულ აფხაზეთში

საპროტესტო წარწერები ოკუპირებულ აფხაზეთში

საპროტესტო წარწერები ოკუპირებულ აფხაზეთში

საპროტესტო წარწერები ოკუპირებულ აფხაზეთში

ფოტო: ტელეგრამ-არხი RESPUBLICA

საპროტესტო წარწერები ოკუპირებულ აფხაზეთში

საპროტესტო წარწერები ოკუპირებულ აფხაზეთში

ფოტო: ტელეგრამ-არხი RESPUBLICA

ფაქტი დებატების საგანი გახდა, რადგანაც ხელისუფლების მომხრეები ვანდალიზმში ოპოზიციას ადანაშაულებენ, თავად ოპოზიცია და საზოგადოება კი მკაცრად გმობს მსგავს მეთოდებს.

ტელეგრამ-არხი წერს, რომ ეს წარწერები სავარაუდოდ პარლამენტში მომხდარ სკანდალს უკავშირდება. 30 ოქტომბერს რუსეთმა და ოკუპირებულმა აფხაზეთმა ხელი მოაწერეს შეთანხმებას, რომელიც რუსულ კომპანიებს ოკუპირებულ აფხაზეთში საინვესტიციო პროექტების განხორციელების საშუალებას აძლევს.

მანამდე, 25 სექტემბერს, ოკუპირებული აფხაზეთის ე.წ. პარლამენტმა კიდევ ერთ სადავო კანონპროექტს — სასამართლო გადაწყვეტილებების ურთიერთ აღიარების შესახებ რუსეთ-აფხაზურ შეთანხმებას მოაწერა ხელი.

ამას გარდა, მოსკოვი სოხუმისგან რუს ინვესტორებისთვის შეზღუდვების მოხსნას ითხოვს კომერციული უძრავი ქონების ბაზარზე. ეს უკანასკნელი საზოგადოებაში ე.წ. "აპარტამენტების" კანონითა ცნობილი.

შეგახსენებთ, რომ მიმდინარე წლის 3 სექტემბერს ოკუპირებული აფხაზეთის თვითგამოცხადებული რესპუბლიკის ე.წ. საგარეო საქმეთა სამინისტროს ხელმძღვანელმა, სერგეი შამბამ დაადასტურა, რომ რუსეთმა აფხაზეთს დაფინანსება მიმდინარე წლის 1 სექტემბრიდან შეუჩერა და აფხაზურ მხარეს გარკვეული ვალდებულებების შესრულება მოსთხოვა.

სერგეი შამბა აცხადებდა, რომ "აღებული ვალდებულებების შეუსრულებლობამ გარკვეული სანქციები შეიძლება გამოიწვიოს“.

"ისინი 1-ლი სექტემბრიდან უკვე ამოქმედდება. მოგეხსენებათ, გარკვეული სოციალური დაფინანსება უკვე შეჩერებულია, რაც ეხება ექიმებს, მასწავლებლებს, ძალოვან სტრუქტურებს და სხვა. ეს აშკარად პირველი ნაბიჯებია. გარდა ამისა, დგას საკითხი, რომ ელექტროენერგიის იმ ნაკადში, რომელსაც ყოველ ზამთარში ვიღებთ, კომერციული ფასი უნდა გადავიხადოთ", — განაცხადა შამბამ ბრიფინგზე.