ზურა ჯაფარიძე: მოგვიწევს ქუჩაში ბრძოლა და ამისთვის იყავით მზად

4 Nov. 2024, 20:45

ძალიან მნიშვნელოვანია, რომ ვიყოთ ქუჩაში, ამაზე მნიშვნელოვანი არაფერი არ არის.

მინდა, რამდენიმე რაღაც გავიაზროთ. ის, რომ არჩევნები მოგვპარეს და ქვეყანას მომავალს პარავენ, ეს გასაგებია, მაგრამ უნდა გვესმოდეს, რომ ამ ქვეყანას აქვს შანსი, რომელიც არასდროს მიცემია - შეიძლება, 5-6 წელიწადში გახდეს ევროკავშირის სრულფასოვანი წევრი, ანუ ეს ქვეყანა შეიძლება მოხვდეს თანამედროვე სამყაროში ყველაზე კარგ ქვეყნებში, ამის შანსი გვაქვს ახლა.

ამის მაგივრად ჩვენ გვეუბნებიან, რომ ეს ქვეყანა უნდა იყოს ვენესუელასთან, ნიკარაგუასთან, რუსეთთან, ჰამასთან და ჰეზბოლასთან ერთად, ფიზიკურად ვდგავართ ახლა იქ. ამის იქით, თანამედროვე სამყაროში მეტი ფსკერი არ არსებობს, ამას გვახვევენ თავზე...

... რეალობა არის, რომ თქვენ გაიმარჯვეთ და ევროპულმა მომავალმა, თქვენ ხართ გამარჯვებული ხალხი, ეს შენობა და მთელი ძალაუფლება ამ ქვეყანაში გეკუთვნით თქვენ, უბრალოდ, არ გაძლევენ, ფიზიკური ძალით არ გაძლევენ. ამიტომ, როცა საუბარია იმაზე, რა არის გეგმა და საით უნდა წავიდეთ, ბევრი არანაირი გეგმა არ არსებობს, სინამდვილეში წინ არის ძალიან მოკლე ვადები - ერთი ვადა არის 21 ნოემბერი, ბოლო ვადა, როდესაც ცესკომ უნდა გამოაქვეყნოს შემაჯამებელი ოქმი და ბეჭედი უნდა დაარატყას ივანიშვილის რიცხვებს, მანამდე ჩვენ ყველამ უნდა გავაკეთოთ ყველაფერი, რომ ვერ გაბედოს ცესკომ და კალანდარიშვილმა ამ ქვეყნის შიგნით, ისევე როგორც ქვეყნის გარედან ჩვენი მეგობრენი უნდა დაგვეხმარონ, რომ სახე უნდა აეხეს ყველას, ვინც ამ გაყალბებაში მიიღებს მონაწილეობას, დედაბუდიანად უნდა დასანქცირდნენ და აქაც უნდა გაეცეთ პასუხი.

მაგის მერე რჩება კიდევ პატარა ვადა, ეს არის ათდღიანი ვადა, როდესაც ამ შენობაში ეს ნაგვები უნდა შეიკრიბონ და საკუთარი ლეგიტიმაცია უნდა ცნონ, ეგ არ უნდა დავუშვათ, ეგ ყველას გასაკეთებელია, თქვენ, ეს ხალხი, ვინც აქ დგახართ, ხართ ამ ქვეყანაში თავისუფლების ბოლო ბასტიონი, მაგის იქით არაფერი აღარ არის, თქვენ უკან აღარავინ აღარ არის, ჩვენი ერთად გასაკეთებელია ეს, მოგვიწრვს ბრძოლა, მოგვიწევს ქუჩაში ბრძოლა და ამისთვის იყავით მზად, მეორედ არავინ არ დავიბადებით ამ ქვეყანაში.

ბოლო ამბები: