დღეს, 2 ნოემბერს, კოალიცია ძლიერმა საქართველომ, ვერიფიკაციის აპარატებში ჩატვირთული სიების გასაჯაროების მოთხოვნით, თბილისის საქალაქო სასამართლოში სარჩელი შეიტანა.

კოალიციის ლიდერები აცხადებენ, რომ სიებს ცენტრალური საარჩევნო კომისია მიზანმიმართულად მალავს, რადგან ეს არჩევნების პირდაპირი სამხილია.

ძლიერი საქართველოს სახელით შეგვაქვს სარჩელი სასამართლოში. პირველივე დღიდან ვითხოვთ, გაიხსნას სიები, რაც უტყუარად ატარებს დანაშაულის კვალს. ჩვენ ვამბობთ, რომ ჩადენილია დანაშაული, არჩევნების მიტაცება. თუ არაფერი არ აქვს დასამალი ხელისუფლებას და საარჩევნო ადმინისტრაციას, მაშინ ამ სიების გახსნა პრობლემა არ უნდა იყოს. ეს მოგვცეს შესაძლებლობას, დავინახოთ სწორედ ის გაყალბების სქემა, რომელიც გამოიყენა ხელისუფლებამ. ამიტომ არ ასაჯაროებენ ისინი სიებს. ყველა სამართლებრივ გზას გამოვიყენებთ, რადგან დადასტურდეს ქართველი ხალხის ხმის უფლების უხეში მიტაცება და გაყალბება ხელისუფლების მხრიდან", — ამბობს ანა ნაცვლიშვილი.

ამასთან გაცნობებთ, რომ ძლიერი საქართველოს მიერ საოლქო კომისიაში შეტანილი 73 სარჩელი დაუკმაყოფილებელია.

როგორც ნაცვლიშვილი ამბობს, კოალიცია ამომრჩევლის შესახებ ვერიფიკაციის აპარატებში ჩატვირთული ინფორმაციისა და ე.წ. ჩეკების სიები გასაჯაროებას ითხოვდა, თუმცა მისივე თქმით, საოლქო კომისიამ ძლიერ საქართველოს არცერთი საჩივარი დაუკმაყოფილა