26 ოქტომბერს საქართველოს საპარლამენტო არჩევნები გაიმართა. კენჭისყრის დღეს საარჩევნო უბნებზე მუშაობისას ჟურნალისტებს პროფესიულ საქმიანობაში ხელი 50-მდე შემთხვევაში შეეშალათ, — ინფორმაციას მედიაჩეკერი ავრცელებს.

უბნებთან მყოფი პირები სიტყვიერ და ფიზიკურ შეურაცხყოფას ძირითადად „TV პირველის“, მთავარი არხისა და ფორმულას გადამღებ ჯგუფებს აყენებდნენ. ჟურნალისტებს ხელს უშლიდნენ საარჩევნო კომისიის წევრებიც. არჩევნების დღეს პროფესიული მოვალეობის შესრულებისას ხელი მედიის 70 წარმომადგენელს შეეშალა.

საპარლამენტო არჩევნების გაშუქებისას მედიის წარმომადგენლების უფლებების დარღვევის შემთხვევევის შესახებ სპეციალურ საგამოძიებო სამსახურს ეტაპობრივად ატყობინებს "მედიაომბუდსმენი". ჟურნალისტების და ოპერატორების ნაწილი გამოკითხვაზე უკვე დაიბარეს.

სპეციალური საგამოძიებო სამსახურის 31 ოქტომბრის განცხადებით, ჟურნალისტებთან დაკავშირებული 17 ინციდენტიდან 13 შემთხვევა დანაშაულის ნიშნებს არ შეიცავდა.