ევროსაბჭოს პრეზიდენტი შარლ მიშელი ცენტრალურ საარჩევნო კომისიას მიმართავს და საარჩევნო დარღვევებისა და ბრალდებების სწრაფად, გამჭვირვალედ და დამოუკიდებლად გამოძიებას მოუწოდებს.

მიშელი ამის შესახებ განცხადებას X-ზე აქვეყნებს.

მისი თქმით, "ეს სავარაუდო დარღვევები სერიოზულად უნდა გაირკვეს და აღმოიფხვრას".

"საქართველოში საპარლამენტო არჩევნების შემდეგ მე ვაპირებ, საქართველო ბუდაპეშტში არაფორმალური ევროპული საბჭოს დღის წესრიგში შევიტანო.

ჩვენ ვითვალისწინებთ OSCE/ODIHR-ის წინასწარ შეფასებას და მოვუწოდებთ ცენტრალურ საარჩევნო კომისიას და სხვა შესაბამის ორგანოებს, რომ სწრაფად, გამჭვირვალედ და დამოუკიდებლად გამოიძიონ და გადაწყვიტონ საარჩევნო დარღვევები და, მაშასადამე, ბრალდებები.

ეს სავარაუდო დარღვევები აუცილებლად უნდა იყოს სერიოზულად გარკვეული და აღმოფხვრილი. ჩვენ ვიმეორებთ ევროკავშირის მოწოდებას საქართველოს მმართველობის მიმართ, რომ აჩვენონ მტკიცე ერთგულება ქვეყნის ევროკავშირის გზის მიმართ, ასევე ივნისსა და ოქტომბერში ევროპული საბჭოს დასკვნების შესაბამისად.

კონსტრუქციული და ინკლუზიური დიალოგი პოლიტიკური სპექტრის გასწვრივ ახლა უმნიშვნელოვანესია.

ნოემბერში ევროპული საბჭო შეაფასებს სიტუაციას და განსაზღვრავს მომდევნო ნაბიჯებს საქართველოსთან მიმართებით", — წერს ევროსაბჭოს პრეზიდენტი.