რუსეთის ფედერაციის საერთაშორისო ურთიერთობების საბჭოს კომიტეტის ხელმძღვანელმა, გრიგორი კარასინმა საქართველოს საპარლამენტო არჩევნებზე გააკეთა კომენტარი და აღნიშნა, რომ საქართველოს საშინაო პოლიტიკის ახალი პერიოდი "პროგნოზირებადი და ცივილიზებული იქნება". ტელეგრამ არხზე კარასინი წერს, რომ ამით დაინტერესებულია არამხოლოდ საქართველო, არამედ მთელი კავკასიის რეგიონი.

"თბილისიდან მოსული ცნობებით, საპარლამენტო არჩევნებმა საქართველოში მშვიდად ჩაიარა. არჩევნებზე გამოცხადების მაღალი მაჩვენებელი, თითქმის 58% სამოქალაქო აქტივობის კიდევ ერთი დასტურია. როგორც ხმათა 53%, რომელიც მმართველმა ქართულმა ოცნებამ მიიღო, ისე ოთხი ოპოზიციური პარტიის პარლამენტში შესვლა, ქვეყნის შიდა პოლიტიკაში აქტიურ პერიოდს გვპირდება", — დაწერა კარასინმა.