მმართველი პარტიის, ქართული ოცნების ლიდერი არჩილ თალაკვაძე კვალიფიციურ ოპოზიციურ პარტიებს, მომდევნო კვირაში შეკრებას და საკონსტიტუციო რეფორმაზე მსჯელობის განახლებას სთავაზობს. ამის შესახებ მას დღეს, 15 აგვისტოს, ბრიფინგზე განაცხადა.

თალაკვაძის თქმით, მმართველი გუნდი მზადაა საშემოდგომო სესიამდე დარჩენილი დრო გამოიყენოს პოლიტიკური დიალოგისთვის:

"ვინაიდან საქართველოში ჩვენ წარმოვადგენთ პოლიტიკურ პარტიებს, თუმცა საზღვარგარეთ ყველანი წარმოვადგენთ საქართველოს. მნიშვნელოვანია სტრასბურგში შეხვედრამდე კიდევ ერთხელ განვიხილოთ საკონსტიტუციო რეფორმის ყველა მნიშვნელოვანი საკითხი".

არჩილ თალაკვაძეს ბრიფინგისას არ გაუჟღერებია პოლიტიკური პარტიებისთვის კონკრეტული შეთავაზება, ისეთ საკითხებზე, რასაც ოპოზიცია მკვეთრად აკრიტიკებს, მათ შორის მომდევნო არჩევნებზე ბარიერის შესაძლო გაუქმების შესახებ.