გჯერა, რომ ერას ტური თითქმის დასრულდა? ტეილორ სვიფტის ლეგენდარული ტურის დასკვნითი ეტაპი ამ კვირის ბოლოს მაიამიში იწყება. და რა იქნება შემდეგ? ბოლოსდაბოლოს, დაიწყებს ტეილორი მხატვრული ფილმის გადაღებას, რომლის სცენარისტი და რეჟისორი თავად უნდა იყოს?

ეს სხვა დროს იყოს და, ახლა მთავარია, რომ ერას ტური მალე დასრულდება და ჩვენ ყველას სამახსოვროდ რაღაც გვჭირდება. არა, კონცერტზე ფილმი საკმარისი არ არის!

საბედნიეროდ, სვიფტმა გულშემატკივართა არმია არ დააღალატა და დააანონსა, რომ გამოუშვებს The Official Eras Tour Book-ს. წიგნი 29 ნოემბერს გამოვა და მისი წყალობით, ტური არა მხოლოდ Disney+-ზე, YouTube-ზე და TikTok-ზე, არამედ წიგნების თაროზეც სამუდამოდ დარჩება. სარეკლამო ვიდეოს მიხედვით, წიგნში წარმოდგენილი იქნება 500-ზე მეტი ფოტო ტურიდან, მათ შორის კულისებში გადაღებული და აქამდე უცნობი ფოტოები. განცხადებაში სვიფტმა გულშემატკივარი დააინტრიგა და დაამატა, რომ წიგნი მის პირად მოსაზრებებსაც შეიცავს.

გაინტერესებთ წიგნი რა ეღირება? დაახლოებით 40 დოლარი. იმაზე იაფია, ვიდრე წარმოგიდგენიათ, მაგრამ მაინც საკმაოდ ძვირია წიგნისთვის, რომელიც სავსეა ყველა დროის ყველაზე კარგად დოკუმენტირებული ტურის ფოტოებით.

ვისაც წიგნი არ გინდათ, ტეილორმა ვინილის გამოშვებაც დააანონსა. ვინილი ალბომის ანალოგი იქნება, მაგრამ განსხვავებით ალბომისგან, რომელშიც 31 სიმღერაა შესული, მასში 35 სიმღერა შევა.