გერმანია ნატოს სამ სხვა ქვეყანასთან ერთად უკრაინისთვის 1.4 მილიარდი ევროს ღირებულების სამხედრო დახმარების დიდ პაკეტს ამზადებს, რომლის გადაცემასაც 2024 წლის ბოლომდე გეგმავენ.

კანცლერმა გაიხსენა, რომ გერმანია მეორე ადგილზეა უკრაინისთვის გაწეული სამხედრო დახმარების მოცულობით და აქტიურად ეხმარება საჰაერო თავდაცვის გაძლიერებაში.

"წლის ბოლოსთვის, ჩვენი პარტნიორების - ბელგიის, დანიის, ნორვეგიის მხარდაჭერით, ჩვენ უკრაინას 1,4 მილიარდი ევროს ღირებულების კიდევ ერთ პაკეტს მივაწვდით - IRIS-T, Skynex, Gepard, ჰაუბიცები, ჯავშანტექნიკა, საბრძოლო თვითმფრინავები, რადარები, საბრძოლო მასალა," – თქვა შოლცმა.

მან ასევე აღნიშნა, რომ გერმანია მომავალ წელს 4 მილიარდ ევროს გამოყოფს პირდაპირი ორმხრივი დახმარებისთვის.