ევროკავშირმა არაწევრი ქვეყნების მოქალაქეთა ბიომეტრიული კონტროლის ახალი სისტემის დანერგვა გადადო, — ინფორმაციას Reuters ავრცელებს.

გადაწყვეტილება მას შემდეგ მიიღეს, რაც გერმანიამ, საფრანგეთმა და ნიდერლანდებმა განაცხადეს, რომ სასაზღვრო კომპიუტერული სისტემები ჯერ მზად არaa.

ევროკავშირის შინაგან საქმეთა კომისარმა, ილვა იოჰანსონმა განაცხადა, რომ სისტემა 10 ნოემბერს ვერ ამოქმედდება, ახალი გრაფიკი კი ჯერ არ არის შემუშავებული, თუმცა განიხილება მისი ეტაპობრივი დანერგვა.

სისტემის დანერგვა უკვე მესამედ გადაიდო. ის გასული წლის ზაფხულში უნდა დანერგილიყო. მანამდე ევროკომისიის პრესსპიკერმა განაცხადა, რომ 2025 წლის გაზაფხულისთვის ევროკავშირში ასევე გეგმავენ ევროპაში მოგზაურობის ავტორიზაციის სისტემის (ETIAS) ამოქმედებას. ამ სისტემის ფარგლებში ევროკავშირთან უვიზო მიმოსვლის რეჟიმის მქონე ქვეყნების მოქალაქეებს შენგენის ზონაში შესვლამდე მოუწევთ ავტორიზაციის გავლა და 7 ევროს ოდენობის მოსაკრებლის გადახადა, თუმცა, EES-ის სისტემის დანერგვის გადადების გამო, ETIAS-ის ამოქმედებაც გაურკვეველი ვადით გადაიდო.