ჩვენ არ მიგვიღია გადაწყვეტილება ისრაელისთვის იარაღის მიწოდების შეწყვეტაზე, ვაწვდიდით და კვლავაც მივაწვდით იარაღს, — ამის შესახებ გერმანიის კანცლერმა ოლაფ შოლცმა განაცხადა.

"მინდა, ეს პირადად ვთქვა, რომ ჩვენ არ მიგვიღია გადაწყვეტილება იარაღის მიწოდების შეწყვეტის შესახებ. ჩვენ ვაწვდიდით იარაღს და კვლავაც მივაწვდით. ეს არის ფედერალური მთავრობის პოზიცია", – განაცხადა შოლცმა.

მისი თქმით, არსებობს კონკრეტული გადაწყვეტილებები, რომლის მიხედვითაც უახლოეს მომავალში კვლავ მოხდება იარაღის მიწოდება ისრაელისთვის.