ნინო წილოსანი: ჩვენ პირველმა გადავდგით ნაბიჯი, მათ შორის ბოდიშით

1 Oct. 2024, 14:04

"კარგია თავად ფაქტი, რომ ჩვენი ამ პოლიტიკის წარმოების შემდეგ, აქტიურად დაიწყო ერთმანეთთან საუბარი შერიგების, ერთმანეთის დაბრუნების, საქართველოს ტერიტორიული მთლიანობის აღდგენის თემაზე. ჩვენ პირველმა გადავდგით ნაბიჯი, მათ შორის ბოდიშით და პოზიტიური დამოკიდებულებით, მშვიდობიანი პოლიტიკით ჩვენ ჩვენს დებს და ძმებს აფხაზეთსა და სამაჩაბლოში ვუთხარით, რომ მათთან ერთად მშვიდობიანი თანაცხოვრება გვინდა. მოდით, შევთანხმდეთ,რომ საკმაოდ შემსუბუქებულია რიტორიკა და არის გარკვეული პოზიტიური კომპონენტები, რაც ჩვენი მხრიდან ასევე პოზიტიურად უნდა იყოს გამოყენებული. ყველა განცხადებას ჩვენი მხრიდან სათანადო რეაგირება მოჰყვება იმ კუთხით, რომ ურთიერთობის ნორმალიზება მოხდეს. რაც მთავარია, გახსნილია დისკუსია ამ თემაზე იმიტომ, რომ ჩაკეტილი დისკუსიის და ბუნდოვნად ხედვის პირობებში, ჩვენ ტერიტორიული მთლიანობის აღდგენის არანაირი შანსი არ გვექნება. იმ პირობებში, როცა უკვე გავხსენით სასაუბრო პლატფორმა, მათ შორის ვიღებთ გარკვეულ უკუკავშირებს, რა თქმა უნდა, ამ ყველაფრის საუკეთესო მიზნებისთვის გამოყენებას ვაპირებთ".

ბოლო ამბები:

ნინო წილოსანი ნინო წილოსანი: ჩვენ პირველმა გადავდგით ნაბიჯი, მათ შორის ბოდიშით

კომენტარები

კვირის ტოპ-5

გირჩევთ

ახლა კითხულობენ