იცოდი, რომ 28 სექტემბერს მეზობლობა აღინიშნებოდა?

საქართველოში პირველად, ამ დღეს უხმაუროდ არ ჩაუვლია.

თბილისი მოლში 28 სექტემბერს მეზობლობის დღე პირველად აღინიშნა სითიქომთან ერთად, მრავალი ინტერაქციული აქტივობით, საინტერესო სტუმრებით და საჩუქრებით.

ფოტო: citycom

ფოტო: citycom

ფოტო: citycom

თუ არ იცი სითიქომი რა არის, ახლავე მოგიყვები.

სითიქომი სამეზობლოს პირველი ქართული ციფრული სივრცე, რომელიც 2017 წლიდან მეზობლობას მეტად სასიამოვნოს და მარტივს ხდის. ის წარმოადგენს ერთგვარ "ციფრულ ყულაბას", სადაც შესაძლებელია სრულიად გამჭირვალედ ადევნო თვალი კორპუსის შემოსავლებსა და ხარჯებს, დააგროვო თანხები მეტად მასშტაბური სურვილებისთვის, დაიქირავო სასურველი სერვისების სპეციალისტები, გააერთიანო მეზობლები ერთ სივრცეში, ჩაატარო გამოკითხვა / არჩევნები და ასე შემდეგ…

ფოტო: citycom

ახლა კი მეზობლობის დღე შევაჯამოთ.

თუ თავად არ ყოფილხარ თბილისი მოლში, გეტყვი, რომ ამ დღემ ყველა მოლოდინს გადააჭარბა.

ეს არ ყოფილა ჩვეულებრივი შაბათი, ამ შაბათს განსაკუთრებული ხიბლი ჰქონდა. სულ რამოდენიმე საათის განმავლობაში, სითიქომის სტენდთან მოსული მეზობლები ურეკავდნენ ერთმანეთს და ულოცავდნენ ამ დღეს, ტეხავდნენ ბედის ნამცხვრებს, პასუხობდნენ Google-ის ყველაზე ხშირად დასმულ კითხვებს, იხსენებდნენ თავიანთი სამეზობლოების დასამახსოვრებელ ისტორიებს და ავსებდნენ ქვიზს იმის გასაგებად, თუ რომელი მეზობელი იყვნენ თვითონ, ასევე დასაჩუქრდნენ საჩქურებითაც.

ფოტო: citycom

მოკლედ რომ ვთქვათ, ამ დღის მთავარი ჯადოსნობა ის იყო, რომ მეზობლებმა გაგვიზიარეს ყველა ის პატარა დეტალიც კი, რასაც შეიძლება ყოველდღიურად ვერ ვამჩნევთ, თუმცა რეალურად ყველანი ძალიან ვაფასებთ.

ამ დღემ შეგვახსენა, რომ თითოეული ჩვენგანი მეზობელი ვართ. მეზობლობა არ არის მხოლოდ ფიზიკური სივრცე, მეზობლობაა ის ურთიერთობები, რომლებიც გვაერთიანებს.

ფოტო: citycom

დღის მთავარი სიურპრიზი კი ყველასთვის საყვარელი, ქართული მეზობლობის სიმბოლოს სტუმრობა გახლდათ. ეს დღე ჩვენთან ერთად აღნიშნეს თათული ედიშერაშვილმა და თამუნა ნიკოლაძემ. ასევე, განსაკუთრებული იყო ელენიკო რუხაძის ჩართულობა, მისი სახალისო გამოკითხვები და აქტივობები.

მიუხედავად იმისა, რომ მეზობლობის დღე პირველად აღინიშნა საქართველოში, ის უკვე იქცა მოვლენად, რომელმაც დაგვანახა, თუ რამდენად მნიშვნელოვანია მეზობლური ურთიერთობები ჩვენს ყოველდღიურობაში.

შეგხვდებით მომავალ წელს, მანამდე კი მოიფიქრე, როგორ აღნიშნავს ამ დღეს შენს მეზობლებთან ერთად!