2026 წელს ფეხბურთის მსოფლიო ჩემპიონატის ჩატარება ამერიკის შეერთებულ შტატებში იგეგმება, სადაც ამერიკული ფეხბურთის ფინალური მატჩის ცნობილი მუსიკალური შესვენების მსგავს შოუს ვიხილავთ.

როგორც ირკვევა, მუსიკალური შესვენება FIFA-ს და Global Citizen-ის, საქველმოქმედო მიზნებისთვის გასართობი ღონისძიებების ორგანიზატორი კომპანიის, თანამშრომლობით შედგება. ამის შესახებ ორგანიზაციებმა ფეხბურთის გულშემატკივრებს შაბათს, Global Citizen-ის ყოველწლიური ფესტივალის მიმდინარეობისას აუწყეს. როგორც ჩანს, Super Bowl-ის სტილში ჩატარებულ პირველ შოუს 2026 წლის 19 ივლისს, ნიუ-იორკში მდებარე ნიუ ჯერსის სტადიონზე დაგეგმილი მატჩის პირველი ტაიმის შემდეგ ვიხილავთ.

"FIFA-ს მისია ფეხბურთის მსოფლიოს ყოველ კუთხეში განვითარება და საზოგადოებაზე დადებითი გავლენის მოხდენაა. ამ პარტნიორობის წყალობით FIFA და Global Citizen სპორტისა და გართობის სამყაროებს უკეთესი რეალობის შექმნისკენ ნაბიჯის გადასადგმელად გააერთიანებენ. ჩვენ საერთო ღონისძიებების სერიის განხორციელებას ვგეგმავთ, რაც ფეხბურთის ხელმისაწვდომობას ხელს შეუწყობს და სპორტის ფანებს სხვადასხვა აქტივობაში მონაწილეობისკენ უბიძგებს, რაც მათი ადგილობრივი საზოგადოებებისთვის დადებითი ცვლილებების გამომწვევი იქნება," — განაცხადა ჯანი ინფანტინომ, FIFA-ს პრეზიდენტმა.