"წარმოდგენაც კი არ მაქვს რა დევს საქმეში და არც ის ვიცი რომელი მოსამართლე გარეგნულად როგორ გამოიყურება და ვის რა სახელი ჰქვია" - ასე ეხმაურება იუსტიციის მინისტრი, თეა წულუკიანი მის მიმართ გამოთქმულ ბრალდებებს იმასთან დაკავშრიებით, რომ რუსთავი 2-თან დაკავშირებით მიღებული გადაწყვეტილებაში ის უშუალოდ იყო ჩართული.

წულუკიანმა განმარტა, რომ სასამართლო სისტემა არის დამოუკიდებელი, რისთვისაც ის მრავალი წელი იბრძოდა:

"მე ბევრჯერ ვტვი, რომ ბატონ ნიკას [გვარამიას] ამ ემოციურ ფონზე შეუძლია ძალიან ბევრი რამ დამაბრალოს. სასამართლო გადაწყვეტილება ერთადერთი რაც მედიაში რამდენიმე თვის წინ გამოქვეყნდა ვნახე და ჩემი აზრიც ვთქვი, რომ რაღაც ფიკლოსოფიურ დოქტრინას უფრო ჰგავდა ვიდრე სასამართლოს მოტივირებულ გადაწყვეტილებას".

თბილისის სააპელაციო სასამართლომ 10 ივნისს, ძალაში დატოვა საქალაქო სასამართლოს მოსამართლის, თამაზ ურთმელიძის გადაწყვეტილება რუსთავი 2-ის წილების ქიბარ ხალვაშისთვის მიკუთვნებასთან დაკავშირებით.

თბილისის სააპელაციო სასამართლომ რუსთავი 2-ის საქმის განხილვა 7 ივნისს დაასრულა.