"ყოველ ჯერზე, როდესაც შემოდის ქვეყანაში, 60 მილიარდი დოლარით გადის", — ამის შესახებ აშშ-ს პრეზიდენტობის კანდიდატმა, დონალდ ტრამპმა უკრაინის პრეზიდენტ, ვოლოდიმირ ზელენსკიზე საუბრისას განაცხადა. მისი თქმით, ზელენსკი "ისტორიაში საუკეთესო ვაჭარია".

"ვხედავ, ზელენსკი აქ არის. ვფიქრობ, რომ ზელენსკი არის უდიდესი ვაჭარი ისტორიაში — ყოველ ჯერზე, როდესაც შემოდის ქვეყანაში, 60 მილიარდი დოლარით გადის", — განაცხადა დონალდ ტრამპმა ამომრჩეველთან შეხვედრაზე.

აშშ-ის ყოფილი პრეზიდენტის თქმით, ფინანსური დახმარების გამო კიევს სურს, რომ საპრეზიდენტო არჩევნებში დემოკრატებმა გაიმარჯვონ. თუ ტრამპი გაიმარჯვებს, ის პირველ რიგში აპირებს, რომ დაურეკოს ზელენსკის და რუსეთის პრეზიდენტ ვლადიმერ პუტინს და უთხრას მათ, რომ შერიგების დროა.