პარლამენტის 84-მა დეპუტატმა, უზენაესი სასამართლოს მოსამართლის თანამდებობაზე, იუსტიციის უმაღლესი საბჭოს მოქმედი მდივნის, ნიკოლოზ მარგისაშვილის, კანდიდატურას მხარი დაუჭირა.

ნიკოლოზ მარგისაშვილი უფლებამოსილების აღსრულებას მაშინ შეუდგება, როცა 2025 წელს, მოსამართლე ეკატერინე გასიაშვილის 10-წლიანი უფლებამოსილება ამოიწურება.

პარლამენტის იურიდიულ საკითხთა კომიტეტმა 5 დღით ადრე მარგისაშვილის კანდიდატურას დაუჭირა მხარი. მარგისაშვილმა კომიტეტის სხდომაზე განაცხადა, რომ ვეტინგის მოწინააღმდეგეა.

"ვფიქრობ, რომ ვეტინგი უფრო სხვა მიზნებს ისახავს და კეთილსინდისიერების შემოწმება იმ პრაქტიკიდან გამომდინარე, სადაც ჩატარდა, არ არის. ეს სულ სხვა მიზანს ისახავს და კეთილსინდისიერების შემოწმებით არის გამართლებული... ვინ უნდა შემამოწმოს, მოდი, ასე დავსვათ კითხვა, როცა სახელმწიფომ, რომელიც პასუხისმგებელია სასამართლო სისტემის გამართულ მუშაობაზე, ეს მექანიზმი შექმნა. ჩვენ გვაქვს ანტიკორუფციული ბიურო", — თქვა მარგისაშვილმა კომიტეტის სხდომაზე.

ნიკოლოზ მარგისაშვილი უზენაესი სასამართლოს წევრი 2015 წლის ივნისიდან არის. მას 2020 წლის მარტიდან და ამავე წლის ოქტომბრიდან იუსტიციის უმაღლესი საბჭოს მდივნის პოსტი უკავია. მოსამართლეთა კონფერენციამ მარგისაშვილი 2024 წლის 24 მარტს იუსტიციის უმაღლესი საბჭოს მდივნის პოზიციაზე მეორე ვადით აირჩია.