ქარდი ბის კიდევ ერთი გოგო შეეძინა!

31 წლის რეპერმა ინსტაგრამზე პოსტი გამოაქვეყნა, რომლითაც თავის ფანებს სასიხარულო ამბავი აცნობა. ფოტოებში მომღიმარ ქარდის, ახალშობილ პატარას და მის ყოფილ ქმარს, რეპერ Offset-საც ვხედავთ, რომელსაც ქარდი რამდენიმე კვირის წინ დაშორდა.

ქარდის და ოფსეტს უკვე სამი შვილი ჰყავთ — 6 წლის ქალჩერი, 3 წლის ვეივი და ახალშობილი გოგო, რომლის სახელიც მშობლებს ინტერნეტსივრცეში ჯერ არ გაუსაჯაროვებიათ. ქარდის მიერ გამოქვეყნებულ ფოტოებში ისიც ჩანს, რომ მისი ორი უფროსი გოგონა პატარა დას ეფერება და ხელში იყვანს.

ცნობისთვის, ფეხმძიმობის შესახებ ქარდი ბიმ ფანებს ინსტაგრამის საშუალებით აცნობა. "ყოველ დასასრულს ახალი დასაწყისი მოსდევს. მადლიერი ვარ, რომ ეს პერიოდი შენთან ერთად გამოვიარე, შენ მეტი სიყვარული, მეტი სიცოცხლე შემმატე და, რაც მთავარია, ჩემი ძალა განაახლე. შენ შემახსენე, რომ შემიძლია ყველაფერი მქონდეს!" — მიმართა თავის მესამე შვილს ქარდიმ.