ჩრდილოეთ კავკასიაში ქვიარ ადამიანების მხარდამჭერი ჯგუფი ამტკიცებს, რომ ჩეჩნეთის უშიშროების ძალები ჩეჩენ ქვიარ კაცებს უკრაინის წინააღმდეგ ომში საომრად წასვლას აიძულებენ.

SOS Crisis Group-ის განცხადებით, გასულ კვირას, ჩრდილო-კავკასიაში არატრადიციულ სექსუალურ ორიენტაციაში ეჭვმიტანილ კაცებს აკავებდნენ და გარკვეული თანხის გადახდას, ან ნებაყოფლობით უკრაინაში საბრძოლველად წასვლას აიძულებდნენ, წინააღმდეგ შემთხვევაში სექსუალური ორიენტაციის გამჟღავნებით ემუქრებოდნენ.

SOS Crisis Group ირწმუნება, რომ შვიდი მსგავსი შემთხვევა იყო, როდესაც კაცებს არ ჰქონდათ საჭირო ფინანსები დაწესებული გადასახადი დაეფარათ და იძულებული იყვნენ საომრად წასულიყვნენ.

მათივე თქმით, 2023 წელს ერთი ქალი და ოთხი კაცი დააკავეს, რის შემდეგაც კაცები ომში გაუშვეს, ხოლო ქალი ნათესავებს ჩააბარეს.

2022 წლის სექტემბერში, რუსეთში მობილიზაციის გამოცხადებამდე ექვსი კაცი დააკავეს, რომლებიც არატრადიციულ სექსუალურ ორიენტაციაში იყვნენ ეჭვმიტანილები.

გავრცელებული ინფორმაციით, ექვსიდან მხოლოდ სამმა შეძლო 1.5 მლნ რუბლი (17 000 აშშ დოლარის) გადასახადის გადახდა იმისთვის, რომ ჯარში არ წასულიყო. დანარჩენი სამი უკრაინაში გაუშვეს. რის შემდეგაც, ერთ-ერთი მათგანი ომში დაიღუპა.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.