შპს მაღაროელმა შუქრუთის პროტესტში მონაწილე 3 პირი — რომან მეგრელიშვილი, მალხაზ ლაბაძე და გიორგი ცარციძე სამსახურიდან გაათავისუფლა. ინფორაციას პუბლიკა ავრცელებს.

გამოცემა წერს, რომ 2 სექტემბრის ბრძანებას ხელს შპს მაღაროელის დირექტორი, ზურაბ ბაძგარაძე აწერს. ის თანამდებობაზე 2024 წლის მარტიდან დაინიშნა.

სამივე დასაქმებულის შემთხვევაში სამსახურიდან გათავისუფლების მიზეზი ერთია.

"ვინაიდან, დასაქმებულმა ჩაიდინა ქმედება, რომელიც მიმართულია კომპანიის სამუშაო პროცესის შეფერხებისა და ზიანის მიყენებისაკენ:

დასაქმებულის მიერ ჩადენილი კომპანიის სამუშაო პროცესის შეფერხების ფაქტი, მათ შორის, იკვეთება 2024 წლის 5 აგვისტოს, საქართველოს შინაგან საქმეთა სამინისტროს იმერეთის პოლიციის დეპარტამენტის ჭიათურის რაიონული სამმართველოს საგამოძიებო განყოფილების შეტყობინებით;

დასაქმებულის მიერ ჩადენილი ქმედება წარმოადგენს მის მიერ შრომითი ხელშეკრულებითა და შინაგანაწესით დაკისრებული ვალდებულებების უხეშ დარღვევას;

დასაქმებულის ქმედებ(ებ)ი სპობს დამსაქმებლის ნდობას დასაქმებულის მიმართ;

ზემოაღნიშნული გარემოებების გათვალისწინებით შეუძლებელია დასაქმებულთან შრომითი ურთიერთობის გაგრძელება", — ვკითხულობთ ბრძანებაში.

შეგაცხენებთ, რომ სოფელ შუქრუთის მცხოვრებლებმა, რომლებიც 178 დღეა ჭიათურაში აქციას მართავენ, პროტესტის უკიდურეს ზომას მიმართეს. მეექვსე დღეა, რაც 3 ადამიანი შიმშილობს, 4-მა პირი ამოიკერა.

ამავე თემაზე წაიკითხეთ აქ.