სურამში ავტოსაგზაო შემთხვევის შედეგად ქვეითები, დედა და არასრულწლოვანი შვილი გარდაიცვალნენ, მათ ავტომობილი დაეჯახათ. ამის შესახებ ინფორმაცია On.ge-ს შინაგან საქმეთა სამინისტროში განუცხადეს.

მათივე ინფორმაციით, საქმეზე გამოძიება სისხლის სამართლის კოდექსის 276-ე მუხლის მეშვიდე ნაწილით მიმდინარეობს. ამ მუხლით, ტრანსპორტის მოძრაობის უსაფრთხოების ან ექსპლუატაციის წესის დარღვევის დროს ორი ან მეტი ადამიანის სიცოცხლის მოსპობა ისჯება ექვსიდან ათ წლამდე თავისუფლების აღკვეთით.

შსს-ს პრესსამსახურის ინფორმაციით, ავტომობილის მძღოლი გადაყვანილია გამოკითხვაზე.