დემოკრატიულ სისტემაში არჩევნები ის უმთავრესი გზაა, რითაც მოქალაქეები სახელმწიფოს მართვაში მონაწილეობენ. შესაბამისად, არჩევნების გენდერულ ჭრილში ანალიზი ქვეყანაში ქალების ზოგადი მდგომარეობის ერთ-ერთი ყველაზე თვალსაჩინო ინდიკატორია.

მიუხედავად იმისა, რომ ქალები საქართველო მოსახლეობის უმრავლესობას წარმოადგენენ, პოლიტიკურ პროცესებში მათი მონაწილეობა ჯერ კიდევ შეზღუდულია. ამ ფონზე, პარლამენტმა 2020 წელს მიღებული სავალდებულო გენდერული კვოტირება მაინც გააუქმა, რის შედეგადაც, 2024 წლის არჩევნებზე ქალების პოლიტიკური ჩართულობის კიდევ უფრო შემცირებას უნდა მოველოდეთ.

ForSet-ის მიერ მომზადებული ინფოგრაფიკა ამ მოცემულობას სამი მიმართულებით აანალიზებს: ამომრჩეველი ქალების აქტივობა, არჩევით თანამდებობებზე მათი წარმომადგენლობა და პარტიების შიგნით მათთვის მინიჭებული როლები.